ជំនួបពិភាក្សាការងារជាមួយគណប្រតិភូក្រសួងការបរទេស នៃព្រះរាជាណាចក្រថៃ
២២ កញ្ញា ២០២២
ភ្នំពេញ៖ ថ្ងៃព្រហស្បតិ៍ ១២រោច ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២២ ខែកញ្ញា ឆ្នាំ២០២២ នៅទីស្តីការក្រសួងសាធារណការ និងដឹកជញ្ជូន ឯកឧត្តម ឈៀង ពេជ្រ អគ្គនាយក នៃអគ្គនាយកដ្ឋានភស្តុភារកម្ម បានជួបពិភាក្សាជាមួយគណប្រតិភូក្រសួងការបរទេស នៃព្រះរាជាណាចក្រថៃ ដឹកនាំដោយ លោកជំទាវ Arjaree Sriratanaban អគ្គនាយក នៃអគ្គនាយកដ្ឋានកិច្ចការអាស៊ីបូពា៍ នៃក្រសួងការបរទេសថៃ។
ក្នុងកិច្ចពីភាក្សានេះ ឯកឧត្តមអគ្គនាយក បានធ្វើបទបង្ហាញអំពីផែនការមេស្តីពី ការតភ្ជាប់ប្រព័ន្ធដឹកជញ្ជូនពហុមធ្យោបាយ និងភស្តុភារកម្ម ដែលក្រសួងសាធារណការ និងដឹកជញ្ជូន និងឧត្តមក្រុមប្រឹក្សាសេដ្ឋកិច្ចជាតិ កំពុងសហការរៀបចំ និងបានជម្រាបជូនគណៈប្រតិភូថៃ អំពីវឌ្ឍនភាពនៃការសាងសង់អគាររដ្ឋបាល ច្រកទ្វារអន្តរជាតិស្ទឹងបត់។
